Қазақстан-Британ университеті ғимаратынан өрт шықты

Бүгін сағат 00.26-да Алматыда ҚБТУ ғимаратынан шыққан өрт оқшауланды

Қазақстан-Британ университеті ғимаратынан шыққан өрт 120 шаршы метр алаңды шарпыған, деп хабарлады Алматы қалалық ТЖД.

ТЖМ күштері өртті 120 ш.м. алаңда толығымен сөндірді.  Зардап шеккендер жоқ, өрттің себебі анықталуда. Оқиға орнында анықтаушылар жұмыс істеуде, — делінген хабарламада.

Кеше, 11 қаңтарда Алматыдағы ҚБТУ ғимараты өртеніп жатқаны туралы ақпарат тарады. Кейіннен өртке байланысты оқиға орнында жедел штаб құрылды. Бүгін сағат 00.26-да Алматыда ҚБТУ ғимаратынан шыққан өрт оқшауланды.

Алматы қаласы Төтенше жағдайлар департаменті атап өткендей, өртті оқшаулау кезінде әкімшілік ғимараттың төбесінен Қазақстанның туы зақымдалмай төменге түсірілген.