19-қабаттан құлаған жігіт аман қалды

Жігіттің жерге құлаған сәті ғимараттың бейнебақылау камерасына түсіп қалған.

Ресей Федерациясының Ярославль қаласының тұрғыны 19-қабаттан құлап аман қалды, деп хабарлады turkystan.kz.

Оқиға Ярославльдің Фрунзен ауданында болды. Ғимарат камерасына түсірілген кадрларда 21 жастағы жігіттің темір қоршаулардың жанындағы қалың қар құрсауына құлағаны байқалады.

Жігіт жерге жақындай берген сәтте электр сымдарына ілініп, қалың қарға құлап түскен. Осы факторлар оның аман қалуына әсер еткен. Алайда құлаған жігіт ауыр халде ауруханаға түсті.

Ярославль облысының тергеу органдары оқиғаға қатысты процессуалдық тергеу жүргізіп жатыр.