Денсаулық сақтау министрлігінің Санитариялық-эпидемиологиялық бақылау комитетінің мәліметінше, мектепте дұрыс тамақтануды қамтамасыз ету мақсатында ҚР Денсаулық сақтау министрлігінің санитариялық-эпидемиологиялық бақылау комитеті жетекші бейінді сарапшылармен бірлесіп6 білім беру ұйымдарына арналған үлгілік перспективалық мәзірді әзірледі.
Ол семіздік, қант диабеті, жүрек-қан тамырлары ауруларының даму қаупін азайту үшін қарастырылған.
Енді балалар тәулік бойы болатын мекемелерде қант мөлшері 3,3-3,6 есе азаяды:
- 6-10 жас аралығындағы жас тобында – 55 г-нан 15 г-ға дейін;
- 11-14 жас тобында – 70г-нан 21 г-ға дейін.
Ал тұз мөлшері – 3,3-5 есе:
- 6-10 жас тобында – 15 г- нан 3 г-ға дейін;
- 11-14 жас тобында – 15 г- нан 4,5 г-ға дейін.
Сондай-ақ мәзірде майы аз сүт, пробиотиктері бар ашытылған сүт өнімдері мен көкөністер мен жемістердің саны артты.