Атырау облысында жоғалып кеткен ер адамның мәйіті көліктен табылды

Мәйітті 7 қаңтарда жергілікті тұрғын Жайық өзенінің маңындағы көліктің ішінен тауып алған.

Із-түзсіз жоғалып кеткен деп іздеуде жүрген ер адамның мәйіті күтпеген жерден көліктен табылды.

Мәйітті 7 қаңтарда Индер ауданындағы Елтай ауылының маңында жергілікті тұрғын Жайық өзенінің маңындағы көліктің ішінен тауып алған.

Мәйіт 2024 жылдың тамыз айында із-түзсіз жоғалып кеткен деп іздеуде жүрген 1971 жылы туған ер адамға тиесілі.

Атырау облыстық полиция департаментінің хабарлауынша, қазір қажетті сараптамалар тағайындалып, барлық мән-жайды анықтау үшін тергеу жүріп жатыр.