Мемлекет басшысы ҚХР төрағасына көңіл айту жеделхатын жолдады

Президент апатта жараланғандардың тез арада сауығып, отбасыларына оралуына тілектестік білдірді

Мемлекет басшысы Қасым-Жомарт Тоқаев Қытай Халық Республикасының төрағасына көңіл айту жеделхатын жолдады, деп хабарлады Ақорданың баспасөз қзыметі.

Жеделхатта Сицзан автономиялық ауданының Шигацзе қаласында болған жойқын жер сілкінісі салдарынан көптеген адамның қаза тапқаны және зардап шеккені туралы суыт хабарды терең күйзеліспен қабылдағанын жеткізді.

Сонымен қатар Президент Қазақстан халқының және өзінің атынан ҚХР төрағасы Си Цзиньпин мен жақындарынан айырылған отбасыларға, сондай-ақ достас қытай халқына көңіл айтып, апатта жараланғандардың тез арада сауығып, отбасыларына оралуына тілектестік білдірді.