Риддер қаласында көлік көпірден құлап кетті (ВИДЕО)
Заң бұзған көлік жүргізушісіне қатысты әкімшілік хаттама толтырылды.
1 қаңтар күні Шығыс Қазақстан облысы Риддер қаласында көлік көпірден құлап кетті.
ШҚО полиция департаментінің баспасөз қызметі жол-көлік оқиғасының Риддерде болғанын растады.
«Аталған факті бойынша азамат «Toyota Hilux» маркалы көлікті басқара отырып, жолдағы метеорологиялық жағдайларды ескермей, көпірдің қоршауына соғылып, кейіннен аударылып қалғанын хабарлаймыз. Соның салдарынан жүргізуші мен жолаушылар дене жарақаттарын алған. Заң бұзған көлік жүргізушісіне қатысты әкімшілік хаттама толтырылды», — делінген ақпаратта.