Таразда салынып жатқан жаңа мектептен өрт шықты

Мәлімет бойынша, өрттің алдын ала себебі – электр сымдарының қысқа тұйықталуы

Төтенше жағдайлар министрлігі Таразда 15-шағынауданда орналасқан жаңа мектеп өртке оранғанын хабарлады.             

"Әзірге жұмыс істемейтін жаңа мектептің үш қабатты ғимараты өртке оранды. Өрт сөндірушілер келген кезде бірінші қабаттан қою түтін шығып жатқан. Өрт кезінде құрылысшылар ғимаратта жөндеу жүргізіп, өздері эвакуациялаған. Төтенше жағдайлар министрлігінің күшімен 80 шаршы метр аумақтағы өрт сөндірілді", – делінген хабарламада.

Мәлімет бойынша, өрттің алдын ала себебі – электр сымдарының қысқа тұйықталуы.