Алматы әуежайында іздеуде жүрген шетелдік азамат ұсталды

Алматыда көрші мемлекетте іздеуде жүрген ер адам ұсталды. Ол жалған құжат жасап, ақша ұрлады деген күдікке ілінді.

«Алматы қаласының халықаралық әуежайында ІІМ Интерпол ҰОБ-ның сұрауы бойынша желілік полиция бөлімінің қызметкерлері ақшаны иемдену және жалған құжаттар дайындау жолымен жымқырғаны үшін Өзбекстанның құқық қорғау органдарымен халықаралық іздеуде жүрген шетелдікті ұстады», - делінген ІІМ Telegram-дағы арнасындағы хабарламада. 2022 жылдың қаңтарынан 2023 жылдың сәуіріне дейін ер адам жалған құжат жасау арқылы 162 миллион өзбек сомын жымқырған.