Мереке күнгі ауа райына болжам жасалды

Мереке күндері ауа райы қандай болатыны белгілі болды.

«Қазгиромет» РМК алдағы мереке күндері республиканың басым бөлігінде тұрақсыз ауа райы болатынын мәлім етті, деп хабарлады turkystan.kz.

Еліміздің солтүстік-батысында, солтүстігінде, орталығында және шығысында қар, бұрқасын, 1-2 қаңтарда қатты екпінді жел, батыста, оңтүстік-батыста, республиканың оңтүстік, оңтүстік-шығыс өңірлерінде жауын-шашын (жаңбыр, қар), көктайғақ болады деп болжанған. 

Ал 31 желтоқсан күні еліміздің оңтүстігінде, оңтүстік-шығысында таулы аймақтарда қатты жауын-шашын (жаңбыр, қар) болуы ықтимал. Қазақстан бойынша жел күшейіп, тұман түседі.

«Еліміздің басым бөлігінде ауа температурасы: түнде батыста -5 градус аяз, күндіз 3 градус аяз, солтүстік-батыста, солтүстікте, орталықта, шығыста түнде 2-13 градус аязға дейін, күндіз 7 градус аяз -2 градус жылы, шығыста түнде және күндіз 0-8 градус аязға дейін жоғарылауы ықтимал, оңтүстікте, оңтүстік-шығыста температуралық фонда күрт өзгерістер күтілмейді», делінген «Қазгиромет» РМК хабарламасында.