Денис Евсеев Гонконгта бастапқы кездесуін сәтті өткізді

Матчтың алғашқы партиясында Евсеев 6:4 есебімен басым түссе, екінші партияда Гарин қарымта қайтарды – 6:2. Алайда шешуші, үшінші сетте Евсеев сенімді ойынымен жеңісті өз пайдасына жазды – 6:2

Қазақстандық теннисші, әлемнің 246-ракеткасы Денис Евсеев жаңа маусымды жеңіспен бастады. Ол Гонконгтағы ATP 250 турнирінің іріктеу кезеңінің алғашқы кездесуінде әлемнің 152-ракеткасы, іріктеу сайыстарының 7-ракеткасы саналатын чилилік Кристиан Гаринді жеңді.

Матчтың алғашқы партиясында Евсеев 6:4 есебімен басым түссе, екінші партияда Гарин қарымта қайтарды – 6:2. Алайда шешуші, үшінші сетте Евсеев сенімді ойынымен жеңісті өз пайдасына жазды – 6:2.

Тартысты матч бір сағат 47 минутқа созылды. Бұл кездесуде Евсеев 5 эйс жасап, 5 брейк-пойнттың үшеуін тиімді пайдаланды. Ал Гариннің еншісінде 2 эйс және 9 брейк-пойнттың тек екеуі ғана нәтижелі болды.

Осылайша, Денис Евсеев іріктеу сайыстарының финалына жолдама алды. Финалда жеңіске жетсе, турнирдің негізгі кезеңіне қатысу мүмкіндігін иеленеді.