«Ұшаққа алғаш рет отырған еді»: Әзербайжандық азамат апатқа ұшыраған досы жайлы айтты

Қазақ жерінде апатқа ұшыраған әуе көлігінде алғаш рет ұшаққа отырған адамдар болған.

Ақтауда апатқа ұшыраған ұшақтың жолаушысы Габиб Исмайылов жұмыс бабымен Дағыстанға бара жатқан, деп жазды turkystan.kz.

Бұл туралы оның досы Вугар Исмайылов журналистерге айтып берді.

«Қазіргі уақытта біз ол туралы ешқандай ақпарат білмейміз, ресми мәліметтер әлі жоқ. Біз Габибті бүгін 5:30-да шығарып салдық. Ол жұмыспен Дағыстанға жол тартып еді. Бұл оның ұшаққа алғаш отыруы еді», – деді ол.

Еске салайық, Баку – Грозный рейсін орындайтын AZAL ұшағы Ақтау қаласына жақын жерде апатқа ұшырады. Бортта 67 адам болған, оның ішінде экипаж мүшелері де бар. Қазіргі деректер бойынша, апаттан 32 адам аман қалған.