Риддердегі жылу электр орталығында жарылыс болды

Жарылыстан 6 адам зардап шекті

Шығыс Қазақстан облысы, Риддер қаласындағы жылу электр орталығында 21 желтоқсан күні таңғы уақытта жарылыс болып, 6 адам зардап шекті.

“Таңғы 4:39-да “Риддер ЖЭО”-ның таспалы транспортер аумағында жоспарлы жөндеу-монтаждау жұмыстары кезінде шаң-ауа қоспасының жарылысы орын алды. Өрт тіркелген жоқ, станция штаттық режимде жұмысын жалғастыруда. Қаладағы үйлердің температурасы қалыпты деңгейде сақталған. Сыртқы ауа температурасы -4 градус,” – делінген ресми хабарламада.

“Шығыс жылу” АҚ мамандары жылу жүйесін тексеріп, реттеу жұмыстарын жүргізуде. Осыған байланысты желідегі қысым уақытша төмендеуі мүмкін екені ескертілді.

Оқиға орнына Шығыс Қазақстан облысының әкімі Ермек Көшербаев барып, жағдайды бақылауға алды.