Қазақстандық спортшы Жалғас Жұмағұлов Астанада өткен Fight Nights Boxing бокс кешінде алғашқы кәсіби жекпе-жегін сәтті өткізіп, жеңіске жетті.
Sports.kz мәліметінше, Жұмағұлов кәсіпқой бокс ережесі бойынша норвегиялық Раванд Оубамен (1-0, 0 КО) кездесіп, төрт раундқа созылған жекпе-жекте төрешілердің бірауыздан қабылдаған шешімімен жеңімпаз атанды.
Бұл жеңіс Жалғас Жұмағұловтың кәсіби бокс мансабындағы алғашқы табысы болса, Раванд Оуба үшін алғашқы жеңіліс болды.