Сирияда қанша қазақ тұратыны белгілі болды
Бұл жайында Сенатта өткен брифингте айтылды.
Сыртқы істер министрінің орынбасары Әлібек Бақаев Сирияда тұрып жатқан Қазақстан азаматтарының санын жария етті, деп хабарлады turkystan.kz.
«Қателеспесем, аталған елде 33-тен астам азамат бар. Біз олармен үнемі байланыстамыз», — деді вице-министр Сенатта өткен брифингте.Сондай-ақ ол Таяу Шығыстан эвакуацияланған отандастарымыз туралы да мәлімет айтты.
«Біз Газа секторынан 129 адамды, Ливаннан эвакуациялау кезінде 69 адамды елге қайтардық», — деді Әлібек Бақаев.Айта кетейік, бұған дейін Сирияның уақытша премьер-министрі тағайындалғаны туралы жазған едік.