Жетісу облысында 26 жүк көлігі қар құрсауында қалып қойды

ТЖМ құтқарушылары 26 адамды құтқарды.

Алакөл ауданында Үшарал – Достық автожолының Ырғайты мен Жалаңашкөл учаскелерінің аралығында ауа-райы нашарлап, қалың қар түсуі себепті 26 жүк көлігі қар құрсауында қалып қойды.

Құтқарушылар жол талғамайтын Трэкол және Вазтовка автокөлігімен Көктума ауылына 26 жүргізушіні жеткізді. Олар медициналық көмекке мұқтаж болған жоқ.

ТЖМ қыс мезгілінде қауіпсіздік ережелерін сақтау қажеттілігі туралы ескертеді. Дауылды ескертулерге назар аударыңыз және ауа-райы бұзылғанда үйде болыңыз!