Бірнеше облыста автокөлік жолы ашылды

Ауа-райының бұзылуына байланысты түнде бірнеше республикалық автожолда көлік қозғалысы шектелген.

Көлік жолдарының ашылғаны туралы "ҚазАвтоЖол" компаниясы хабарлады. 

2024 жылғы 17 желтоқсанда сағат 07:00-де Қостанай және Солтүстік Қазақстан облысы бойынша келесі  автомобиль жолдарында көлік қозғалысы ашылды:

- «Қостанай-Әулиекөл-Сұрған» автожолының 8-108 шақырымы (Тобыл қаласынан Әулиекөл ауылына дейін)

-  «Екатеринбург-Алматы» автожолының 686-729 шақырымы (Сарыкөл ауылынан СҚО шекарасына дейін)

-  «Екатеринбург-Алматы» автожолының 729-768 шақырымы (Қостанай облысының шекарасынан Тоқсан би ауылына дейін)

2024 жылғы 17 желтоқсанда сағат 08:50-де Жамбыл облысы бойынша келесі  автомобиль жолында көлік қозғалысы ашылды:

-  «Мерке-Шу-Бурылбайтал» автожолының 165-268 шақырымы (Бірлік ауылынан Бурылбайтал ауылына дейін)

1403 байланыс орталығына хабарласып, тәулік бойы қосымша ақпарат алуға болады.