ШҚО-да алимент төлемеген 44 әке қылмыстық жауапкершілікке тартылды

Шығыс Қазақстан облысында «Алимент – балалық шақты қорғау» жобасы жүзеге асырылып жатыр.

Жоба аясында әрбір жағдай бойынша мәжбүрлеп өндіру шаралары қолданылады:

▪️ банктегі шоттарға тыйым салу,

▪️ шетелге шығуға шектеу қою,

▪️ жүргізуші куәліктерінің күшін тоқтата тұру,

▪️ нотариалдық әрекеттерге тыйым салу.

Жыл басынан бері алимент төлеуден қасақана жалтарғаны үшін 189 борышкер әкімшілік, 44-і қылмыстық жауапкершілікке тартылған.  

8 жағдайда борышкерлердің құмар ойындарға жұмсаған шығындары жауапқа тартудың негізгі себебі болды.

Бұл шаралар өз тиімділігін көрсетті: тек 2024 жылдың қараша айында алимент бойынша 17 млн теңге қарыз өтелді.

Мысалы, азамат Н. енгізілген шектеулерден кейін 1,7 млн теңге қарызын толығымен өтеді.

Кодекстің 138 және 169-баптарында балаларды тәрбиелеу міндеттері мен олардың құқықтарын қорғау бойынша ата-аналар мен қамқоршылардың жауапкершілігін және алимент төлеуден жалтарғаны немесе балалардың құқықтарын бұзғаны үшін, оның ішінде қылмыстық жауапкершілікке тарту қарастырылған.