Тағы екі қазақстандық боксшы Азия чемпионатының алтынына таласады

Махмұд Сабырханның финалдағы қарсыласы – өзбек Шахзод Музафаров

Таиландта өтіп жатқан бокстан Азия чемпионатында 54 келіде өнер көрсетіп жатқан Махмұд Сабырхан жарыс финалына шықты.

Ол жартылай финалда таиландтық Саравут Суктхетпен жұдырықтасып, 5:0 есебімен қарсыласынан басым түсті. Махмұд Сабырханның финалдағы қарсыласы – өзбек Шахзод Музафаров.

Сондай-ақ 57 келіде ел намысын қорғап жатқан Оразбек Асылқұлов да финалға шықты.

Бүгін ол жартылай финалда моңғол Гантумур Лундааны жеңді. Финалда өзбек және филиппин боксшыларының жеңгенімен кездеседі.