Қасым-Жомарт Тоқаев Таиланд Королін Ұлттық мерекемен құттықтады

Мемлекет басшысы Маха Вачиралонгкорнға жеделхат жолдады.

Қазақстан Президенті жеделхатында Таиланд Корольдігінің халықаралық аренада және әлеуметтік-экономикалық дамуда айтарлықтай табысқа қол жеткізгенін атап өтті.

Сонымен қатар Президент Таиланд Корольдігімен дәстүрлі достық пен мазмұнды саяси диалогқа негізделген ынтымақтастықты одан әрі тереңдетуге бейіл екенін жеткізді.