Жыл басынан бері Қазақстанда мұнай өңдеу көлемі 16,7 млн тоннаны құрады

2024 жылдың 11 айында Қазақстанда мұнай өңдеу көлемі 16,7 млн тоннаға жетті.

2024 жылдың 11 айының қорытындысы бойынша Қазақстанның мұнай өңдеу зауыттарында мұнай өңдеу көлемі 16,7 млн тоннаны құрады, бұл 2023 жылдың сәйкес кезеңімен салыстырғанда 3,6% - ға артық (өткен жылдың деңгейімен салыстырғанда 103,6%).

2024 жылғы есепті кезеңде мұнай өнімдерін өндіру көлемі:

автобензин - 4,88 млн.тонна немесе 2023 жылға 101,1%;

дизель отыны - 4,91 млн.тонна немесе 2023 жылға 103%;

авиакеросин - 0,68 млн.тонна немесе 2023 жылға 118,6%-ды құрады.

Бүгінгі таңда қазақстандық мұнай өңдеу зауыттары тұрақты жұмыс істейді, жанар-жағармай материалдарының (ЖЖМ) қорларын тиеу және толықтыру үздіксіз жүзеге асырылуда.