Алматы облысында үш көлік соқтығысып, бір адам қаза тапты

Жол-көлік оқиғасы фактісі бойынша сотқа дейінгі тергеу басталды

Алматы облысында үш автокөлік соқтығысып, бір адам қаза болды.

Жол апаты Жамбыл ауданында, Алматы – Бесмойнақ тасжолының 77-шақырымында болған. Салдарынан бір адам қаза тауып, екі адам ауыр жарақат алды.

“Mercedes Benz 280 көлігінің жүргізушісі қарсы жолаққа шығып, Ford Focus автокөлігімен соқтығысқан, содан кейін инерциямен ВАЗ-2114 көлігіне соғылған. Жол-көлік оқиғасының салдарынан Ford Focus жүргізушісі оқиға орнында қаза тапты. Тағы екі адам түрлі жарақаттармен аудандық ауруханаға жеткізілді,” – деп хабарлады Алматы облыстық полиция департаменті.

Жол-көлік оқиғасы фактісі бойынша сотқа дейінгі тергеу басталды. Қажетті сараптамалар тағайындалды.