Қарағандыда 50 млн теңгенің темекісі тәркіленді

Екі күдікті ұсталды.

Полицейлер темекі өнімдерін сататын дүкендердің бірінен заңсыз темекі өнімдерін сату фактісін анықтады, деп хабарлайды turkystan.kz.

Жедел-іздестіру іс-шаралары барысында 47 мың қорапқа жуық акцизсіз өнім тәркіленді.

Алдын-ала есеп бойынша мемлекетке келтірілген шығын көлемі 50 миллион 274 мың теңгені құрады.

Полиция қызметкерлері аталған өнімдерді сатумен айналысқан екі адамды анықтады.

Қазіргі уақытта оқиғаның мән-жайы және осы іске қатысты басқа да тұлғаларды анықтау бойынша іс-шаралар жүргізіліп жатыр.