Конференция лигасы: «Астана» португалиялық клубты жеңе алмады

Кездесу Алматыдағы «Орталық» стадионда өтті.

Бүгін «Астана» Конференция лигасы жалпы кезеңінің 4-туры аясындағы өз алаңында португалиялық «Витория» (Гимараеш) командасын қабылдады, деп хабарлайды turkystan.kz порталы Prosports.kz сайтына сілтеме жасап.

Матч 1:1 есебімен тең аяқталды.

Бірінші таймның 40-минутында Карло Бартолецтің берген пасынан кейін Брандимир Калаица есеп ашты. Осылайша командалар үзіліске 1:0 есебімен кетті. Матчтың соңына қарай 89-минутта қонақтар есепті теңестірді. Голдың авторы Жезус Рамирез атанды.

Еске салайық, қазақстандықтар бірінші турда өз алаңында сербиялық ТСЦ-ны (1:0) жеңіп, бірақ кейін сырт алаңдағы екі кездесуде («Нью-Сейнтске» (0:2) және кипрлік «Пафосқа» (0:1)) есе жіберген болатын.