Қазақстандық жас өнерпаз Францияда өткен байқауда бірінші орын иеленді

Ведомствоның мәліметінше, Насыр Тарлабек баян және аккордеон аспабымен өнер көрсеткен.

Қазақстандық жас өнерпаз Францияда өткен халықаралық өнер байқауында бірінші орын иеленді. Бұл туралы Мәдениет және ақпарат министрлігі жазды.

Ведомствоның мәліметінше, Насыр Тарлабек баян және аккордеон аспабымен өнер көрсеткен.

«Ахмет Жұбанов атындағы дарынды балаларға арналған республикалық қазақ мамандандырылған музыка мектеп-интернатының оқушысы Насыр Тарлабек баян және аккордеон аспабы бойынша «CMA Trophee Mondial» халықаралық байқауында бірінші орынды иеленді», – делінген ақпаратта.