Шымкентте граната жарылып, екі курсант зардап шекті

Шымкент полиция департаменті бұл фактінің болғанын растады.

Шымкенттегі оқу-жаттығу жиындары кезінде граната жарылды, деп хабарлады turkystan.kz.

Салдарынан екі курсант зардап шеккен.

"Оқиғаның барлық мән-жайын анықтау үшін тексеру жүргізіліп жатыр, қазір екі курсант медициналық мекемеде емделіп жатыр, олардың жағдайы тұрақты", - делінген полицияның баспасөз қызметі таратқан хабарламада.

Айта кетейік, бұған дейін әлеуметтік желілерде Шымкенттегі Бауыржан Момышұлы атындағы оқу-жаттығу орталығында оқу-жаттығу кезінде граната жарылып, бірнеше курсант жарақат алғаны туралы ақпарат тараған еді.