Қарағандыда тұрғын үйде өрт шығып, бір адам қаза тапты

Зардап шеккендер көміртегі тотығымен уланған

Қарағандыда Әлихан Бөкейхан атындағы ауданда 12-шағын ауданда бес қабатты тұрғын үйде өрт шықты, деп хабарлайды BAQ.KZ.

Өрт 20 шаршы метр аумақты шарпыды, жиһаз, үй заттары және балконның ішкі ағаш қаптамасы өртенді. Қатты түтіннен үй тұрғындарына үлкен қауіп төндірді.

«ТЖД қызметкерлері баспалдақ маршымен 12 адам, олардың арасында 5 бала эвакуациялады. Сонымен қатар жанып жатқан пәтерден үш тұрғын құтқару қалпақтарын пайдалану арқылы таза ауаға шығарылды», - деп жазылған хабарламада.

Зардап шеккендер көміртегі тотығымен уланған. Олардың бірі көрсетілген көмекке қарамастан жедел жәрдем көлігінде қайтыс болды.

Бірінші зардап шеккен адам Апаттар медицинасы орталығы филиалының жедел әрекет ету бригадасының көмегінен кейін ауруханаға жатқызылып, екіншісі тексеруден кейін босатылды.

Өрт толығымен ауыздықталды, оқиғаның себептері анықталып жатыр.