Алматыда екі автобус апатқа ұшырады: зардап шеккендер бар

Түрксіб ауданының полиция қызметкерлері жол апатының мән-жайын анықтап жатыр

Алматыда екі автобус пен жеңіл көлік соғылып, салдарынан жүргізушілері зардап шекті, деп хабарлады қалалық полиция департаментінің баспасөз қызметі.

Мәлімет бойынша, жол апаты 16 қараша таңғы сағат 5:20-шамасында Түрксіб ауданында болды.

«Бекмаханов көшесінде екі автобус пен Chevrolet көлігі соқтығысты. Екі автобустың жүргізушісі медициналық көмекке жүгінді. Басқа зардап шеккендер жоқ. Түрксіб ауданының полиция қызметкерлері жол апатының мән-жайын анықтап жатыр», – делінген хабарламада.