Қалың қар жаууына байланысты Астана мектептерінде сабақ уақыты қысқарды

Екінші ауысымдағы сабақтар жалғасады.

Қалың қар жаууына байланысты Астана мектептерінде екінші ауысым оқушыларын ертерек жібереді, деп хабарлайды turkystan.kz.

Әсіресе бұл шеткері жерлерде орналасқан және бала тасымалдайтын мектептерге қатысты.

«Қаланың шет жақтарында орналасқан мектептер мен оқушы тасымалдайтын мектептерге ауа-райының қолайсыздығына байланысты сабақ уақытын қысқартып, оқушыларды қараңғы түскенге дейін қайтару қажет. Балалардың қауіпсіздігін қадағалаңыздар», - делінген Білім басқармасының хабарламасында.

Мектептерде сабақ уақыты 30 минутқа дейін қысқарады. Ата-аналардан балаларды өздері алып кетуін сұрайды.