Асық атудан әлем кубогы: Қазақстан 5 алтын жүлдеге ие болды

Жалпыкомандалық есепте отандастарымыз бірінші орынды жеңіп алды.

Түркия астанасы Анкарада өткен асық атудан ересектер арасындағы әлем кубогына 10 елдің 60-қа жуық спортшысы қатысып, қазақстандық спортшылар топ жарды, деп хабарлады turkystan.kz.

Байрақты бәсекеде Қазақстан намысын қорғаған алты спортшының бесеуі алтын, біреуі күміс жүлдеге ие болды. 

Жалпыкомандалық есепте отандастарымыз бірінші орынды жеңіп алды. Екінші орынды Қырғыз елінің спортшылары иеленсе, үздік үштікті түркиялық спортшылар түйіндеді.