Павлодардағы банктердің бірінде ұрлық жасалған

Halyk bank бөлімшесінде қабырға бұзылып, ұрлық жасалған.

Ұрлық фактісі бойынша сотқа дейінгі тергеу басталды, деп хабарлады turkystan.kz сайты Pavlodarnews.kz-ке сілтеме жасап.

Әлеуметтік желіде Естай, 40 мекенжайында орналасқан Halyk bank бөлімшесінде қабырға бұзылды деген хабарлама таралды. Облыстық полиция департаментінің мәліметінше, полиция қызметкерлері осы фактіге қатысы бар адамдарды анықтау бойынша жедел-іздестіру іс-шараларын жүргізіп жатыр.

– 11 қарашада сағат 9:30-да полицияға банктердің бірінің филиалында қабырғаның бұзылғаны анықталды деген қоңырау түсті. Оқиға орнына полиция департаментінің басшылығы мен жедел-тергеу тобы келді,– деді департаментте.

Оқиғаның мән-жайы мен себептері анықталып жатыр.