Рудный қаласында жылу құбыры жарылды

Аталған жағдайға қатысты әкімдік түсінік берді.

Бүгін түнде Қостанай облысы Рудный қаласында төтенше жағдай болып, жылу желісі істен шықты. Аталған жағдайға қатысты әкімдік түсінік берді.

«Рудный жылу желілері» ЖШС директоры Олег Әбілқайыровтың айтуынша, 8 қарашаға қараған түнде диаметрі 219 мм болатын кварталдық тарату құбырында ақау болған. Сағат 08:30-да бүлінген жер толығымен жөнделген. Қазір тұтынушылар біртіндеп желіге қосылуда, арнайы топ үйлерді тексеріп жатыр. «Жеке сектордағы 198 үй жылусыз қалды», – деді Әбілқайыров.

Ол бүгін таңғы сағат 05:55-те құбырда тағы да ақау шыққанын, бірақ басқа мекенжайда екенін айтты. Мұнда жеке сектордағы 27 үй жылусыз қалған.

«Қалпына келтіру жұмысы ұйымдастырылды, ақау бір-екі сағаттың ішінде жойылады», – деп уәде берді ЖШС басшысы.