Түркияның оңтүстігінде жер сілкінді

Жер сілкінісінің ошағы 20 шақырымдай тереңдікте жатқаны айтылды

Түркияның оңтүстігінде Адана провинциясында магнитудасы 5 баллды құраған жер сілкінісі тіркелді.

Төтенше жағдайлардың салдарын жою басқармасы (AFAD) таратқан ақпаратқа сәйкес, жерасты дүмпулері Астана уақытымен сағат 22:07-де Козан ауданында болған.

Жер сілкінісінің ошағы 20 шақырымдай тереңдікте жатқаны айтылды.

Әзірге зардап шеккендер мен бүлінген ғимараттар туралы ақпарат жоқ.