Шымкентте халықаралық іздеуде жүрген шетелдік азамат ұсталды

Ол кеден заңнаманы бұзып, пара алды деген күдікке ілінді

Қалалық полиция департаментінің экстремизмге қарсы күрес басқармасының қызметкерлері "Құқықтық тәртіп" жедел алдын алу шарасы аясында көрші мемлекеттің құқық қорғау органдары іздеу жариялаған 41 жастағы шетелдік азаматты ұстады.

Ол кеден заңнаманы бұзып, пара алды деген күдікке ілінді.

Ер адам 11 жыл бойы қылмыстық қудалаудан жасырынып келген.

Қазіргі уақытта ұсталған азамат қамауда, оны экстрадициялау жұмыстары жүргізіліп жатыр.