«Қызыл кітапқа» енген сұңқарларды заңсыз аулады деген күдікпен Қызылорда облысының тұрғыны ұсталды, деп хабарлады turkystan.kz.
Ер адам Қызылорда облысы Полиция департаментінің және «Охотзоопром»ӨБ» РМҚК-ның Қызылорда өңірлік филиалы инспекторларымен прокуратураның үйлестіруімен өткізілген жедел іс-шара барысында ұсталды. Ол «Қызыл кітапқа» енген сұңқарларды шетелге сату мақсатында заңсыз аулаған.
Тұрғынның үйіне тінту жүргізу барысында сұңқар тектес 2 құс алынды. Қазіргі таңда құстар Шымкент зоологиялық саябағына тапсырылды.