Семейде өртенген үйден екі адамның мәйіті табылды

Тағы бір адам құтқарылды.

Бүгін таңертең Семейде үш пәтерлі жеке меншік үйде өрт болды, деп хабарлайды turkystan.kz.

Өртке қарсы қызметке қоңырау таңғы сағат 05:09-да түскен. Өрт 85 шаршы метр аумақты шарпыған.

Абай облысының Төтенше жағдайлар департаментінің баспасөз қызметі өрт сөндіру кезінде екі адамның мәйіті табылғанын, тағы бір адам ауруханаға жеткізілгенін хабарлады.

Өрт 07:07-де толықтай сөндірілген. Оқиға орнында ТЖД психологтары тұрғындар мен туысқандарына жедел психологиялық көмек көрсеткен.

Өртті сөндіруге ТЖД 35 қызметкері мен 7 техника жұмылдырылған. Өрт себебі анықталып жатыр.