«Жүрек тұсынан сұққан»: 16 жастағы Шерзаттың ауруханаға қандай жарақатпен түскені белгілі болды

Талғар аудандық ауруханасының дәрігері Ғалымжан Есенәлиев Шерзат Болатұлының қандай жарақатпен түскенін айтты.

16 жастағы бозбала ауруханаға 4 қазан күні түнгі сағат 00:58-де түскен, деп хабарлайды turkystan.kz.

Шерзаттың әкесі өзінің інісі мен ұлын (Шерзатты) өз автокөлігімен ауруханаға жеткізген.

«Шерзат агональды күйде болды. Алдын-ала диагноз – ашық кеуде жарақаты. Сол жақ кеудесінен пышық сұғылған. Ашық жүрек жарақаты болды. Дереу медициналық көмек көрсетіп, жүрек-өкпе реанимациясын жасағанмен нәтиже болмады», - дейді Есенәлиев.

Шерзаттың ағасы таңертең ауруханадан шыққан.

«Пациенттің жағдайы орташа ауыр болды. Шекесінде, желкесінде гематома болды. Аяқ-қолы іскен. Жабық ми жарақаты, кеуде қуысының жабық жарақаты болды. Миы шайқалған. Оң жамбасына пышақ сұғылған», - деді дәрігер.

Төбелес кезінде тағы бір адам, болжам бойынша Шерзаттың досы да зардап шеккен. Ол ауруханаға жедел жәрдеммен кейін жеткізілген. Қазір амбулаторлық ем алып жатыр.