АЭС – Қазақстан энергетикасын дамытудағы маңызды қадам

Курчатов қаласының Халықтық штабының мүшелері «Геофизикалық зерттеулер институты» ҚР Ұлттық ядролық орталығы филиалының ұжымымен диалог алаңы форматында кездесу өткізді.

Бүгін геофизикалық зерттеулер институты ұжымымен кездесуде халықтық штабының мүшелері диалог форматында Қазақстанның энергетикалық қауіпсіздігін қамтамасыз ету, энергетикалық секторды әртараптандыру және экономикалық өсуді ынталандыру үшін АЭС салудың маңыздылығын талқылады. Геофизикалық зерттеулер институты айтарлықтай ғылыми-техникалық және өндірістік инфрақұрылымға ие: 17 стационарлық станция (сейсмикалық, инфрақызыл, магниттік), деректер орталығы, спутниктік байланыс арналары мен ғылыми-зерттеу зертханаларын қамтитын цифрлық деректерді жинаудың телекоммуникациялық желісі. Мұндай нысандарда жұмыс істейтін мамандар қазір және болашақта үздіксіз энергия берудің маңыздылығын атап өтеді. Диалогқа қатысушылар болашақ атом электр станциясының техникалық сипаттамаларын, оның қуатын, реакторлардың түрін, қауіпсіздікті қамтамасыз ететін технологиялық шешімдерді, құрылыс шығындарын, электр энергиясының құнын, ел бюджетіне әсерін, қоршаған ортаға теріс әсерді барынша азайтуды талқылады.

Кездесуге қатысушылар жобаның барлық аспектілерін белсенді талқылап, сұрақтар қойып, өз пікірлерімен бөлісті, сондай-ақ АЭС салу қазақстандық Энергетиканы дамытудағы маңызды қадам болатынына сенім білдірді.

«Бұл жоба барлық заманауи қауіпсіздік стандарттарына, экологиялық нормаларға сәйкес келеді және елге тұрақты және ұзақ мерзімді дамуды қамтамасыз етуге мүмкіндік береді», - деп қорытындылады Халықтық штабтың мүшесі  Е. Гулькова.