Париж Олимпиадасында интернет жұлдызына айналған Оңтүстік Корея мергені кино әлеміне қадам басты

Ол әйелдер арасында 10 метр қашықтықтан пневматикалық тапаншамен ату жарысында күміс медаль иеленген болатын.

Оңтүстік Кореялық олимпиадалық мерген Ким Е-джи бірінші рет кино әлеміне қадам басып, қаскүнем рөлін сомдайтын болды. Олимпиада кезінде ғаламдық әлеуметтік желі жұлдызына айналған Ким Е-джи жақында экранға шығып, «Crush» атты жаңа сериалда дебют жасайды, деп хабарлады euronews.com.

Оңтүстік Кореялық тапаншамен ату шебері Ким Е-джи Париж Олимпиадасында күміс медаль жеңіп алып қана қоймай, интернетті өзінің стилі мен салқынқандылығымен баурап алған болатын. Енді ол осы сабырлы әрі сенімді бейнесін кино әлемінде де көрсетпекші: ол қаскүнем рөлін сомдайтын болады.

32 жастағы Ким шілде айында әйелдер арасында 10 метр қашықтықтан пневматикалық тапаншамен ату жарысында күміс медаль иеленіп, өзінің жұқа сымды көзілдірігі мен бейсбол қалпағымен жұртшылықты баурап алған еді. Енді ол, өткен аптада AFP агенттігіне хабарлағандай, «Crush» сериалында қаскүнемнің рөлін сомдайды. 

Фильм нәсілшілдік пен кемсітушілікке қарсы күресіп жүрген тұлғалардың оқиғаларын баяндайды.