Павлодарда мүмкіндігі шектеулі адамды үй кезегінен шығарып тастаған
Павлодар облысының 1-ші топ мүгедектігі бар тұрғыны 2006 жылы тұрғын үй кезегіне тұрған.
18 жылдан кейін, 2024 жылы оны үй кезегінен шығарып тастаған. Себебі жұбайының атына жылжымайтын мүлік тіркелген, деп хабарлайды turkystan.kz.
Келіншек кезегін қайта қалпына келтіру үшін сотқа жүгінген. Арызында жұбайының атына тіркелген мүліктің тұруға жарамайтынын, жылу, канализация жүргізілмегенін көрсеткен.
Сот талапкердің арызын толықтай қанағаттандырды.