Қазақстандағы ең ұзын автокөлік туннелі ашылды

Түркістан облысының Шақпақ баба асуында ең ұзын туннель пайдалануға берілді.

Туннельдің ұзындығы 840 метр, ені 11 метр, деп хабарлайды turkystan.kz.

Туннельде видеобақылау, өртке қарсы қорғаныс жүйесі орнатылған. Сондай-ақ екі басында жарық, желдету, дабыл жүйесін бақылап, бағдаршам жүйесін реттеп отыратын диспетчерлік пунт орналасқан.

Туннельге жақын жерде жол жөндеу пункті, жанармай құю станциясы, тікұшақ қонатын алаң мен сауда алаңдары бар.