Шығыс Қазақстанда екі отбасы жоғалып кетті

Полиция демалыста жоғалған екі отбасыны дрон арқылы іздеп тапты.

30 тамызда өскемендік ерлі-зайыптылар 10 жасар қызымен және достарымен Қарағожы ауылына қарай демалуға барып, 1 қыркүйекте оралуды жоспарлаған, деп хабарлайды turkystan.kz.

Алайда сол күннен бастап олардан еш хабар болмаған. Глубокое полиция бөлімінің жеке құрамы төрт ересек адам мен екі баланы іздеуге жұмылдырылды.

Дрон арқылы екі отбасының орналасқан жері белгілі болды. Олар табиғи апаттың салдарынан бір орында қалып қойған.

«Біз демалуға келген едік. Алайда бір сәтте өзен деңгейі көтерілді. Үш күн бойы бұл өзеннен өте алмадық. Абырой болғанда, қазір бізде бәрі жақсы», — дейді отбасы мүшесі.

Олардың өмірі мен денсаулығына қауіп төніп тұрған жоқ.