Дильназ Ахмадиева бұрынғы күйеуіне қатысты ақпаратты жоққа шығарды
Өнер жұлдызы жаңа бейнебаянына ұлының әкесін түсірген, алайда күйеуімен қосылмағанын айтты.
Өнер жұлдызы жаңа бейнебаянына ұлының әкесін түсірген, алайда күйеуімен қосылмағанын айтты.
«Біз қосылған жоқпыз. Бірақ дәл осы ер азаматтың баласын дүниеге әкелгеніме қуаныштымын. Ол өте ақылды, өнерлі адам. Оның бойында маған ұнайтын қасиет өте көп. Біз жұбымызды сақтап қала алмадық. Бірақ оның сүйіктісінің жолы болары анық. Әзілхан, саған бар жақсылықты тілеймін. Сені бауырымдай қатты жақсы көремін», – деп жазды әнші.
Еске сала кетейік, өнер иесінің бұрынғы күйеуімен қайта қосылғанын продюсер Жан Мұқанов жариялаған еді.
«Әлеуметтік желіге кірмегелі көп болды. Сол себепті мына жарасымды жұптың қосылғаны туралы жаңалықты жіберіп алыппын. Дильназ, сені ұзақ уақыт танимын. Сен бір сүйсең, қатты сүйетін адамсың. Оны жақсы білемін. Сендерге тек қана бақыт тілеймін», – деп жазған еді продюсер.