Ербол Мырзабосынов ҚР Туризм және спорт министрі лауазымына тағайындалды
Парламент Мәжілісінің Әлеуметтік-мәдени даму комитетінің отырысында ҚР Туризм және спорт министрі лауазымына Ербол Қуантайұлы Мырзабосыновтың кандидатурасы келісілді.
Бұл мәселе «Қазақстан Республикасының Парламенті және оның депутаттарының мәртебесі туралы» Конституциялық заңның 22-1-бабына сәйкес қаралды.
Ербол Мырзабосынов 1984 жылы Шығыс Қазақстан облысында дүниеге келген.
Семей мемлекеттік педагогикалық институтын, Қазақ гуманитарлық-заң инновациялық университетін, Қазақ спорт және туризм академиясын бітірген.
Еңбек жолын 2005 жылы Семей мемлекеттік педагогикалық институты Дене шынықтыру және спорт теориясы мен әдістемесі кафедрасының ассистенті, жаттықтырушы-оқытушысы болып бастады.
2009-2014 жж. – Семей қаласының мемлекеттік педагогикалық институтының дене тәрбиесі кафедрасының оқытушысы; меңгерушісі.
2006-2018 жж. – «Шығыс Қазақстан облыстық бұқаралық спорттағы жоғары спорт шеберлігі мектебі» КММ жаттықтырушы-оқытушысы.
2018-2020 жж. «Қызылжар Арландары» спорт клубының директоры болып жұмыс істеді.
2020-2021 жж. – «Qazaq kuresi» қауымдастығының басқарушы директоры.
2021 жылғы наурыз айынан бастап қазіргі уақытқа дейін Дене шынықтыру және бұқаралық спорт академиясының ректоры болды.
2023 жылғы ақпан айынан қазірге дейін ҚР Спорт және дене шынықтыру істері комитетінің төрағасы қызметін атқарған.