Жаңбыр, қар, аяз: қыркүйек айында ауа райы қандай болады

Қыркүйек айына арналған ауа райы болжамы жарияланды

Синоптиктер қыркүйек айына арналған ауа райы болжамын жариялады. Олардың болжамынша, күздің бірінші айында республиканың басым бөлігінде ауа райы салқын және жауын-шашынды болады деп күтілуде.

Республиканың солтүстігінде ауа райы жауын-шашынды болады. Кей күндері республика бойынша қатты жаңбыр жауып, найзағай ойнап, бұршақ жауып, екпінді жел соғады. Сонымен қатар тұман күтіледі.

Қыркүйектің алғашқы онкүндігінде республиканың батысында ауа температурасы түнде +8+15, күндіз +23+30, республиканың оңтүстік-батысында түнде +17+25, күндіз +28+35 градус жылы болады.

Ал еліміздің солтүстік және орталық облыстарында ауа температурасы түнде +2+10 градусқа дейін төмендейді, үсік болуы да мүмкін, күндіз +8+15 градусқа дейін жылынады.

Республиканың шығысында ауа температурасы түнде +8+16-дан +2+7 градусқа дейін ауытқиды, екінші онкүндікте аяз болады, ауа температурасы күндіз +12+23-тен +17+25 градусқа дейін сақталады деп күтілуде.

Республиканың оңтүстігі мен оңтүстік-шығысында да күндізгі ауа температурасы +22+30-дан +17+23 градусқа дейін ауытқиды деп болжануда.

Ал қыркүйектің үшінші онкүндігінде солтүстік, орталық және шығыс облыстарда қар жаууы мүмкін.