Өкпенің қатерлі ісігіне қарсы вакцина 7 елде сынақтан өте бастады

2020 жылғы статистикаға сәйкес, әлем бойынша шамамен 1,8 миллион адам осы аурудан қайтыс болған.

Өкпенің қатерлі ісігіне қарсы вакцина 7 елде сынақтан өте бастады, деп жазды euronews.com.

Ұлыбританияда өкпе обырымен ауыратын науқас осы ауруға қарсы әлемдегі алғашқы вакцинаны сынауға қатысуда.

2020 жылғы статистикаға сәйкес, әлем бойынша шамамен 1,8 миллион адам осы аурудан қайтыс болған.

Олардың ішінде 230 700 адам ЕО елдерінде тіркелген, бұл аймақтағы барлық қатерлі ісіктен болатын өлім-жітімнің бестен бір бөлігін құрайды. BioNTech компаниясы әзірлеген BNT116 вакцинасы матрицалық РНҚ (мРНҚ) технологиясын қолданады – COVID-19 вакциналарына ұқсас – және иммундық жүйеге қатерлі ісік жасушаларын тануға және шабуылдауға көмектеседі. Әлемдегі алғашқы осындай вакцина өкпенің ұсақ жасушалы емес обырымен күресуге бағытталған, ол барлық жағдайлардың 85 пайызын құрайды.

Бұл вакцина химиотерапиядан айырмашылығы, рак жасушаларын жою кезінде сау тіндерді зақымдамауға тырысып, пациенттің иммундық жүйесіне жалпы ісік маркерлері туралы «ақпарат береді».

«Біздің тәсілдің артықшылығы – емдеу рак жасушаларын жоюға бағытталған. Осылайша, уақыт өте келе, біз өкпе рагына қарсы емнің тиімді екенін және басқа тіндерге зиян келмейтінін дәлелдейміз деп үміттенеміз», – дейді зерттеуді басқаратын доктор Сара Бенафиф.