Айтбек Амангелді Қуандық Бишімбаевтан материалдық-моральдық шығын өндірмек

Марқұм Салтанат Нүкенованың ағасы Айтбек Амангелді Қуандық Бишімбаевтан материалдық шығын өндіру үшін сотқа арыз берді.

Іс материалдары Жоғарғы соттың сайтында жарияланды, деп хабарлайды turkystan.kz.

Азаматтық талап-арызда Айтбек Амангелді сотталушыдан материалдық шығын мен моральдық өтемақы өндіруді сұраған. Сомасы нақтыланбаған. Сондай-ақ іс бойынша үшінші тұлғалар ретінде өз ата-анасын тарту туралы арыз берген.

«Іс қозғалғанға дейін тараптар арасында татуластыру процедуралары жүргізілген жоқ. Ол туралы татуластырушы судьяның анықтамасы бар»-делінген іс материалында.

Талап-арызды Астананың азаматтық істер жөніндегі ауданаралық сотының судьясы Досжан Жұмабаев қарайтын болады. Сот отырысы 3 қыркүйекте өтеді.