Ғалымдар судағы нанопластиктің 98 пайызын жоятын технология ойлап тапты

Зерттеушілер бұл тұжырымдаманың экономикалық тиімді және «нанопластик мәселесінің тұрақты шешімі» екенін айтады.

Ғалымдар судағы нанопластиктің 98 пайызын жоятын технология ойлап тапты. Миссури университетінің (Миззу) командасы сұйықтықтың жоғарғы қабатын пипеткамен сорып алу арқылы ластанған су үлгілерінен нанопластик бөлшектерінің барлығына жуығын жоя алғанын анықтады.

Адам денсаулығына пластик ластануының қандай қауіп төндіретіні әлі белгісіз, бірақ судың құрамында көзге көрінбейтін пластик бөлшектерінің бар екендігі көптеген адамдарда түсінікті алаңдаушылық тудырады. Миссури университетінің зерттеушілері микропластик пен нанопластиктің біздің ағзамыз бен миымызға енуін тоқтату үшін суды микроскопиялық ластаушы заттардан тазартудың тұрақты әрі қауіпсіз әдісін ойлап тапты.

Команда уыттылығы төмен табиғи сұйық ингредиенттерді қолдана отырып тұщы және тұзды судан наноскопиялық полистирол бөлшектерінің шамамен 98 пайызын алып тастай алатынын көрсетті. Зерттеушілер жасаған еріткіш судың бетінде май сияқты қалқып тұрады. Алайда оны тез араластырып, судағы микроскопиялық пластик бөлшектерін жинап, бетіне шығарады.

Тұзды суда бұл әдіс полистиролдан болатын барлық ластаушы заттардың 99,8 пайызын алу мүмкіндігін көрсетті.

Зерттеушілер бұл тұжырымдаманың экономикалық тиімді және «нанопластик мәселесінің тұрақты шешімі» екенін айтады. Зерттеу жалғаса берсе, бұл технология тіпті суды мәңгілік химиялық заттар сияқты басқа да ластаушылардан тазартуда пайдалы болуы мүмкін.