Бишімбаевтың жазасын жеңілдету үшін 100 млн теңге сұраған әйел қамауға алынды

Күдіктінің іс-әрекеті аса ірі мөлшерде пара беруге итермелеу бойынша сараланған.

 

Антикор Бишімбаевтың үкімін жеңілдету сылтауымен алдау арқылы 100 млн теңге жымқырды деген күдікпен елорда тұрғынына қатысты тергеуді аяқтады.

Сыбайлас жемқорлыққа қарсы қызмет Бишімбаевтың туыстарының өтініші бойынша астананың «Г» тұрғынына қатысты сотқа дейінгі тергеп-тексеруді аяқтады.

Ол аса ірі мөлшерде алаяқтыққа оқталуға Қ. Бишімбаевтың үкімін жеңілдету сылтауымен алдау арқылы 100 млн теңгені иемдену бойынша күдікке ілінді, - делінген хабарламада.

Сонымен қатар күдіктінің іс-әрекеті аса ірі мөлшерде пара беруге итермелеу бойынша сараланған.  Оған қатысты «Қамауда ұстау» бұлтартпау шарасы тағайындалды.

Тергеу аяқталды.

Қазіргі уақытта қылмыстық іс материалдарымен танысу жүргізіліп жатыр.