Ұлыбританияда 7 жастағы балаға тұңғыш рет робот операция жасады

2023 жылы Лондондағы Guy's and St Thomas' NHS Foundation Trust қоры кейінгі 20 жылда 10 мыңнан астам роботталған операциялардың орындалғанын, бүйрек және өкпе обырын емдеу операциялары роботтың көмегімен жасалғанын хабарлады.

Ұлыбританияда 7 жастағы баланың бүйрегіне тұңғыш рет робот операция жасады, деп хабарлайды euronews.com.

Балаға операция жасалған робот-қолдар 720 градус қозғалыс диапазонына ие, бұл хирургиялық құралдардың балаларға күрделі операциялар жасауға жеткілікті кішкентай болуына мүмкіндік береді.

2023 жылы Лондондағы Guy's and St Thomas' NHS Foundation Trust қоры кейінгі 20 жылда 10 мыңнан астам роботталған операциялардың орындалғанын, бүйрек және өкпе обырын емдеу операциялары роботтың көмегімен жасалғанын хабарлады.

Саутгемптон балалар ауруханасының мәліметінше, роботтың дәлдігі жоғары болғандықтан, оны жас пациенттерге қолдану – өте сәтті тәжірибе. Құрылғы үш жыл бойы ересектерге сыналып, операциядан кейінгі оңалу процесі жылдамырақ жүретіні, операциядан кейінгі ауырсынудың аз болатыны және ауруханада жату уақытын қысқартатыны анықталған.