Кеген ауданында «Қазақтелекомның» сымы үзіліп, бір бала мерт болды

Аталған іспен дәл қазір Ішкі істер органдары айналысып жатыр.

Алматы облысында «Қазақтелекомның» салғырттығынан сымдардың бірі үзіліп, кішкентай бала мерт болды. Қайғылы оқиға Кеген ауданы, Шырғанақ ауылында болған.

Аталған іспен дәл қазір Ішкі істер органдары айналысып жатыр.

– Ішкі істер органдары тергеу іс-шараларын жүргізіп, мән-жайлар мен электр беру кабелінің үзілуіне жол берген адамды анықтауда. Компания барлық мүдделі тараптармен бірге алдын ала шығарылатын қорытынды шешімді күтіп отыр, – делінген хабарламада.

Ал, «Қазақтелеком» АҚ ұжымы марқұм болған баланың ата-анасы мен туған туыстарына қайғырып көңіл айтады. Сондай-ақ кінәлі қызметкердің жауапқа тартылатынын және баланың отбасына жан-жақты әрі материалдық қолдау көрсетілетінін хабарлады.